chander ke dohe
Written by C K goswami at
December 28, 2009 (1:24 pm)
(0 votes, average: 0.00 out of 5, rated)
Loading ...Chander ke dohe
1.
kah sunke taaleem de ,wo dohaa kahlaye
bade bujurg anubhav liye, seekh hame de jaye
2.
aaw-bhagat hoti badi ,do din ka mehmaan
gair ke ghar lamba ruke,apmanit insaan
3.
peehar aake bahan jab maata ko bhadkaye
swarg bane ghar ko tabhi, narak nazar lag jaye
4.
mad ka pyaala na samajh,ankhiyan shakti apaar
krodh se jo dekhe kabhi,utre nashaa khumaar
5
pakad ke maatha baithta,kismat dosh bataaye
chhalni me dudh doohta,doodh kahan ruk paye
6
chori karke shabd panktiyan,kavita leeni banaye
wahwahi ko tarsan lage,chappal joote khaye
7
rishwat lekar dhan liya ,bulding leeni banay
khadi imaarat dambh ki,khud hi chugli khaye
8
vriddhashram me baap ko ,beta le kar aaye
ab kyun rota bhag ko, jab pota kram dohraye
9
gora rang nij dekh ke mumbayee bhaga jaye
bina hunar ka artist,dar dar thokar khaye.
——-c.k.goswami(chandra kant)FUJAIRAH(u.a.e.)
7 Comments
चंद्रकांत जी, बहुत सुन्दर और प्रभावित प्रयास.
c k goswami Reply:
December 29th, 2009 at 12:19 pm
@Raj, aapko pasand aaye,khushi huwee.raj ji kabhi ‘discuss form’me bhi apni raay vyakt kijiye aur p4poetry ke liye apne bahumulya sujhaw dijiye.
Bahut sundar sirji….
Maja aa gaya padhkar…..
ckgoswami Reply:
January 5th, 2010 at 9:49 pm
@dr.paliwal, do panktiyon me dohon ko likhne ka prayas tha. agar doha do pankti me na ho to na to wo doha kahlata hai aur naa hi doha ko paribhashit kar paata hai.sandesh likhne ke prayaas kiye the.safalta aur asaflata pathkon par nirbhar hai.hindi me tankan ki suvidha na mil payee anyatha in dohon ka roop hi kuchh aur hota. doctorsahib aapne padhne me samay nikala ,dhanyawad.
retired bank manager from central bank of india .
wrote few title songs for tv serials.
belongs to bikaner (rajasthan)
present address-51/56 saryu marg mansarovar jaipur 302020
mobile 09785211353
wah-wah….bahut khub dohe ek se badkar ek… magar ye line nahi samajh men aai..
peehar aake bahan jab maata ko bhadkaye.
kisi mata ko apni ya suhar ki….
Comment on this comment
C K goswami Reply:
December 28th, 2009 at 1:59 pm
@Ravi Rajbhar, peehar me apni maa ko bhabhi ke viruddh jab koi beti bhadkati hai to uska swarg sa sundar mayka bhi narak hone se nahi bach sakta.yshiksha hai un nanado ko jo peehar me dakhalandaji karti hain.
dohe ki sahi paribhasha do panktiyon me updesh aur sandesh preshit karna hai.mera bhi yahi prayaas raha tha.
Comment on this comment
Ravi Rajbhar Reply:
December 29th, 2009 at 10:19 am
@C K goswami,
Thanx confusion dur huwa…
Comment on this comment