Hasya Kavita: Bahuraani
(2 votes, average: 4.50 out of 5, rated)
Loading ...Bahuraani
Ek sham hamare parshad ke bartan lotaane ke bahaane,
ek nahi puri 4 jawaan padosane hamare ghar pe aayi,
khade-2 kai der tak idhar-udhar ki baaten ladayi,
aur jab bethne ka koi rasta na diya dikhai, to boli,
aunty, humne suna hai
apne silver jewellery ki nayi-2 dukan hai lagayi.
sunkar mummyji unhe bade pyar se bethaya,
phir acche se chai aur nashta karwaya,
nashte ke beech mein hi patidev ko kaha,
“beta, jara idhar to aana
tum jo saaman laye the jara inhe dikhana.”
Patidev jese isi firak mein bethe the,
per turant pratikriya per koi galat na samajhle,
isliye jaan-bujhkar ethe the.
jara der se bole “ aa raha hun”
aur kaam ke bahane jara aur der laga kar, drawing room mein aaye,
taki waha jaakar unke chehron ki bechani ka acche se lutf uthaye.
saaman dekhte-2 ek sundri ne apni jubaan phir se kholi,
apne swar ko jara aur meetha karke boli,
“aunty, wo kaha hai?”
mummyji ne pucha “wo kaun?”
kyonki sab to wahi bethe the,
uttar mila “ wahi, aapki bahurani”
idhar sabka hasi ka samvet swar khanka,
udhar mera matha jor se thanka.
kher mummji ne humhe rasoi mein pegaam bhijwaya,
aur humne bhi papa waha hai ka bahana banaya,
mann mein socha accha hua jo bala tali,
waha jaakar unse nahi mili,
varna abhi to yeh charon chup chap namaste karke khisak jati,
aur bahaar jaakar na jaane kaun-2 se kyaas lagati.
Sach pucho to dimag reh-2 kar bhanna raha tha,
aur dil patidev par khar kha raha tha.
chalo kisi terah humne rasoi ka kaam niptaya,
fir patidev ko salatne ka program banaya.
Uss raat mein maarey gusse ke muh fer ke so gayi,
mujhe soya dekh patidev ko bhayankar heraani ho gayi,
unhe laga ki aaj unki kundli se,
shani ki maha dasha puri ho gayi.
unhone socha chalo accha hi hua, varna
yeh apni golmaal kavitaye mujhe sunati,
iska to kuch nahi bigadta,
meri aaj raat ki neend aur jati.
fir bhi patidev ne aakar tatha-kathit apna farz nibhaya,
Bemann se mere kaano mein apna swar tapkaya,
“priye, aaj itni jaldi so gayi?”
bus ji, itna sun na tha ki humaari hudh ho gayi,
palat kar gusse mein boli
sach-2 batana, wo charon padosne,
kabse hai tumhari humjoli.
Patidev bole, kaisi baaten karti ho,
Ye kisne tumhe bhadkaya hai,
Jara bataana, shaadi ke do saal baad bhi,
Tumse bina kahe, humne ghar se bahaar,
Ek kadam bhi bhadaya hai.
Mann-hi-mann socha,
Ha, essa to kabhi nahi hua….
Ek pal to humaara vichar adhar mein latka,
Humne turant sar jhatak kar usey bahaar patka,
Mein kya paagal hun jo bewajah mera satka,
Do saal mein pehli baar mene essa socha hai,
Pakka, pakka daal mein kuch locha hai,
Ye soch-2 kar hamaari choti-2 ankhon mein,
Mote-2 aansu bhar aaye.
Patidev jara ghabraye, bole
Jaan, kyun baat ka batangad banati ho,
Aakhir kis baat pe ulta dimag chalati ho.
Humne lagbhag cheekh kar kaha,
Maana humne ki hai aajtak bahot si naadani,
Par unhone kyun bola hamey mummji ki bahurani,
Patidev jor se hasey, itni si baat per itni heraani,
Mein subak kar boli “kyun, apko bhai-jaan kehne mein,
Kya unki marti thi naani????”
Ab unko maajra kuch kuch samajh mein aaya,
Aakhir wo bhi humeh do saal se jhel rahe the,
Maano aakhade mein dand pel rahe the.
To unhone bhi apni tark shakti ka jaal phelaya,
Bole “priye, tumhari umr hai abhi choti
Jara socho, ab hum kya kare,
Agar unki niyat hi hai khoti.”
Patidev ye bolkar jara dheeme se muskuraye,
Aur hamarey dimag ke saare paase phiraye,
Bus yun samajh lijiye,
Unhone ek hi baat se humeh ghumaya,
Aur prati-prashn, prati-uttar humare dimag mein nahi aaya.
Ab aap puchenge ki bhai baat ka ant kaha hua,
Aji hona kya tha,
Hum haar ke nayi kavita likhne mein kho gaye,
Aur patidev apni vaakbudhi par gurur karte-2 so gaye.
hi jaanu!! keep it up sweetheart !!
mere sath rah kar seekh gayi h!!
Comment on this comment